Nitesh Rane:वकिलांचा जोरदार युक्तिवाद, आता नितेश राणेंचं काय होणार, जेल की बेल?

सिंधुदुर्ग: संतोष परब हल्लाप्रकरणात अडचणीत आलेले भाजप आमदार यांच्या जामीन अर्जावर बुधवारी पुन्हा एकदा सिंधुदुर्ग जिल्हा सत्र न्यायालयात सुनावणी होणार आहे. मंगळवारी न्यायालयात सरकारी वकिलांनी नितेश राणे यांच्या पोलीस कोठडीसाठी जोरदार युक्तिवाद केला होता. त्यावर नितेश राणे यांचे वकील संग्राम देसाई यांनीही तोडीस तोड प्रतिवाद केला होता. मात्र, न्यायालयाच्या कामकाजाची वेळ संपल्याने ही सुनावणी पुढे ढकलण्यात आली होती. त्यानुसार बुधवारी पुन्हा एकदा नितेश राणे यांच्या वकिलांकडून त्यांच्या अंतरिम जामिनासाठी युक्तिवाद केला जाईल. त्यामुळे आता नितेश राणे यांना जामीन मिळणार की नाही, याकडे सर्वांच्या नजरा लागल्या आहेत. सत्र न्यायालयात मंगळवारी सरकारी वकील आणि नितेश राणेंच्या वकिलांकडून तब्बल चार तास युक्तिवाद करण्यात आला. मंगळवारी दुपारी साडेतीन वाजल्यापासून सुरु झालेली सुनावणी सायंकाळी साडेसात वाजेपर्यंत चालू होती. आमदार राणे यांच्या वतीने अॅड. राजेंद्र रावराणे आणि ॲड. संग्राम देसाई, ॲड. उमेश सावंत यांनी अटकपूर्व जामीन मंजुरीसाठी जोरदार युक्तिवाद केला. नितेश राणे यांचे वकील अ‍ॅडव्होकेट संग्राम देसाई यांनी कोर्टात काय युक्तिवाद केला? * कुठलंही सर्च वॉरंट नसताना नितेश राणेंची रुग्णालयात झडती का घेतली? * नितेश राणे यांची काल घेतलेली नोटीस चुकीची * सरकार पोलिसांवर दबाव टाकत आहे * फिर्यादीचा सत्कार अजित पवारांकडून कसा केला गेला? * हल्ल्यातील संशयितांची नावे गुप्त का ठेवली जात आहेत? * संशयितांची नावे गुप्त तर मग नितेश राणे, गोट्या सावंतांना नोटीस बजावल्याचं पोलिसांनी मीडियाला का सांगितलं? * राग मनात ठेऊन नितेश राणेंना या केसमध्ये अडकविण्याचा प्रयत्न * नितेश राणे आणि आरोपी सचिन सातपुतेचा सीडीआर पोलिसांना मिळालाय * सर्व गोष्टी पोलिसांना सापडलेल्या असताना आरोपींची समोरासमोर चौकशी कशाला? * हल्ल्यानंतर आरोपीनं फोनवरुन संपर्क साधल्याचं फिर्यादीचं म्हणणं आहे. मात्र कोणता आरोपी भररस्त्यात फोन करेल? इथूनच या सर्व प्रकरणात संशय येत आहे. * दोन ते तीन दिवसांत निवडणूक होत आहे, त्यामुळे कोर्टाने अंतरिम जामीन द्यावा * विधान भवनातल्या पायऱ्यांवर काय घडलं, त्याचा कोर्टात काय संबंध? सरकारी वकील प्रदीप घरत यांनी कोणता युक्तिवाद केला? * पोलिसांविरोधात तक्रार नसल्याचं सांगता मग पोलिसांवर दबाव आहे असं का बोलता * पोलिसांवरुन तुमच्या दोन वेगवेगळ्या भूमिका का * सुप्रीम कोर्टानुसार दखलपात्र गुन्हा असेल तर तक्रार ताबडतोब झाली पाहिजे * सातपुते हा स्वाभिमानीचा कार्यकर्ता होता, नंतर त्याने भाजपत प्रवेश केला * आरोपी सर्व लोकांसमोर चाकूने हल्ला करतात, मग नितेश राणे-गोट्या सावंत यांना फोनवरुन हल्ला केल्याचं का सांगू शकत नाही * आमच्या मागे मोठे हात आहेत, असं आरोपींना सुचवायचं असेल

from Sindhudurg News | सिंधुदुर्ग बातम्या | Sindhudurg News in Marathi | Sindhudurg Local News - Maharashtra Times https://ift.tt/3eu35VQ
https://ift.tt/3FHx8Fp