Breaking: कोल्हापूरला जाताना नितेश राणेंच्या छातीत असह्य वेदना; रुग्णवाहिका थांबवून डॉक्टरांकडून उपचार

सिंधुदुर्ग: संतोष परब हल्लाप्रकरणात न्यायालयीन कोठडीत असलेले आमदार यांच्या प्रकृती पुन्हा एकदा बिघडल्याची माहिती समोर येता आहे. नितेश राणे यांना सोमवारी उपचारासाठी कोल्हापूरच्या सीपीआर रुग्णालयात नेण्यात आले. मात्र, त्याठिकाणी पोहोचण्यापूर्वीच नितेश राणे () यांची प्रकृती जास्त बिडल्याची माहिती आहे. नितेश राणे यांना रुग्णवाहिकेतून कोल्हापूरला नेले जात होते. रुग्णवाहिका रस्त्यात असतानाच नितेश राणे यांच्या छातीत अचानक वेदना व्हायला लागल्या. त्यामुळे तळेरेनजीक नितेश राणे यांना घेऊन जाणारी रुग्णवाहिका आणि पोलिसांच्या गाड्यांचा ताफा थांबवण्यात आला. याठिकाणी डॉक्टरांनी नितेश राणे यांना औषध दिले. त्यानंतर हा ताफा पुन्हा कोल्हापूरच्या दिशेने रवाना झाला. आता सीपीआर रुग्णालयात नितेश राणे यांची तपासणी होईल. त्यामध्ये काय निष्पन्न होते, हे पाहावे लागेल. आमदार नितेश राणे (Nitesh Rane) आणि त्यांचा खासगी सचिव राकेश परब यांच्या जामीन अर्जावर मंगळवारी जिल्हा न्यायालयात सुनावणी होणार आहे. ही सुनावणी आज होणे अपेक्षित होते. मात्र, भारतरत्न लता मंगेशकर यांच्या निधनामुळे सोमवारी राज्यातील शासकीय कार्यालये आणि संस्थांना सुट्टी देण्यात आली आहे. त्यामुळे ही सुनावणी उद्यापर्यंत लांबणीवर पडली आहे. कणकवली दिवाणी न्यायालयाने आमदार नितेश राणे यांना शुक्रवारी १८ फेब्रुवारी पर्यंत न्यायालयीन कोठडी सुनावल्यानंतर त्यांची तब्येत बिघडली म्हणून त्यांना जिल्हा रुग्णालयात उपचारासाठी दाखल करण्यात आले होते. दरम्यान तातडीने नितेश राणे यांच्या वकिलांनी आमदार नितेश राणे आणि त्यांचे खासगी सचिव राकेश परब यांचा जामीन अर्ज जिल्हा सत्र न्यायालयात दाखल केला आहे. या जामीन अर्जावर मंगळवारी सुनावणी होणार आहे. न्यायालयाने जामीन अर्ज नाकारल्यास मोठा गोंधळ उडण्याची शक्यता आहे. या पार्श्वभूमीवर आमदार नितेश राणे यांना अधिक वैद्यकीय तपासणीसाठी कोल्हापुरातील सीपीआर रुग्णालयात दाखल केले जात आहे. ओरोस जिल्हा रुग्णालयात कार्डियाक यंत्रणा आणि ह्रदयरोग तज्ज्ञ नाहीत. त्यामुळे नितेश राणे यांना कोल्हापूरला नेण्यात येत असल्याचे समजते. कोल्हापुरातील भाजपचे कार्यकर्ते सकाळपासून सीपीआर रुग्णालयात कागदपत्रांची पूर्तता करण्यासाठी धावपळ करत होते. चंद्रपूर जिल्ह्यातील कार्यकर्ते देखील कोल्हापुरात दाखल झाले आहेत.

from Sindhudurg News | सिंधुदुर्ग बातम्या | Sindhudurg News in Marathi | Sindhudurg Local News - Maharashtra Times https://ift.tt/y2E7VCF
https://ift.tt/vW0RVTr