Nitesh Rane: नितेश राणेंची पोलिसांकडून साडेपाच तास कसून चौकशी, आता पुढे काय घडणार?

सिंधुदुर्ग: संतोष परब हल्लाप्रकरणी पोलिसांनी भाजप आमदार यांची गुरुवारी कसून चौकशी केली. नितेश राणे यांना बुधवारी दोन दिवसांची पोलीस कोठडी सुनावण्यात आली होती. त्यामुळे नितेश राणे यांना सावंतवाडी कारागृहात ठेवण्यात आले होते. आज सकाळी नितेश राणे () यांना चौकशीसाठी कणकवली पोलीस ठाण्यात आणण्यात आले. सकाळी साधारण १०.३० वाजता नितेश राणे यांच्या चौकशीला सुरुवात झाली. यावेळी पोलिसांनी नितेश राणे आणि त्यांचे स्वीय सहाय्यक राकेश परब यांना समोरासमोर बसवून चौकशी केल्याची शक्यता वर्तविण्यात येत आहे. अखेर दुपारी ३.१५ वाजण्याच्या सुमारास नितेश राणे कणकवली पोलीस ठाण्यातून बाहेर पडले. त्यानंतर नितेश राणे यांना घेऊन पोलिसांचा ताफा पुन्हा रवाना झाला. नितेश राणे यांना आजही सावंतवाडी कारागृहात मुक्काम करावा लागणार आहे. तत्पूर्वी नितेश राणे यांची वैद्यकीय चाचणी होण्याची शक्यता आहे. दरम्यान, याप्रकरणात आता पुढे काय घडणार याकडे सर्वांच्या नजरा लागल्या आहेत. दोन दिवस चौकशी केल्यानंतर पोलीस न्यायालयात नितेश राणे यांची कोठडी पुन्हा वाढवून मागणार का, हे पाहावे लागेल. सूत्रांच्या माहितीनुसार, नितेश राणे यांना तपासासाठी पुण्यातही नेण्याची शक्यता आहे. संतोष परब यांच्यावरहील हल्ल्याचा कट हा पुण्यात शिजल्याची माहिती आहे. त्यामुळे नितेश राणे यांना तपासासाठी प्रत्यक्ष घटनास्थळी नेण्यात येऊ शकते. मात्र, पोलिसांकडून याबाबत कोणतीही अधिकृत माहिती देण्यात आलेली नाही. सिंधुदुर्गात भाजपच्या नेत्यांकडून आंदोलनाचा इशारा आमदार नितेश राणे यांना ६ फेब्रुवारीपर्यंत दिलासा असताना जिल्हा न्यायालयाबाहेर त्यांना पोलिसांनी अडवले. तसेच निलेश राणे यांच्यासह भाजप कार्यकर्त्यांवर गुन्हे दाखल केले आहेत. जिल्हा पोलीस अधीक्षक कोणाच्या तरी दबावाखाली येऊन भाजप विरोधात वागत आहेत. मात्र, आम्ही हे सहन करणार नाही. येत्या दोन दिवसांत जिल्हा कार्यकारिणी बैठक घेऊन या विरोधात आंदोलन करण्याची दिशा ठरविणार आहोत, असा इशारा भाजप जिल्हाध्यक्ष राजन तेली यांनी पत्रकार परिषदेत दिला. नितेश राणेंच्या अटकेमुळे मला मिळाला न्याय: संतोष परब नितेश राणे यांना अटक झाल्यामुळे मला न्याय मिळाला आहे, अशी प्रतिक्रिया शिवसैनिक संतोष परब यांनी दिली. दहशत पसरवायची आणि निवडणुका जिंकायच्या हा राणे फॅमिलीचा डाव आहे. तो नितेश राणे यांच्या अटकेने उधळला गेला आहे. जिल्हा बँक निवडणुकीत दहशत पसरवून निवडणूक जिंकण्यात यशस्वी झाले आहेत. त्यांच्या दहशतीमुळे आमचे काही संचालक किरकोळ मतांनी पडले आहेत. विशेष म्हणजे इतिहासात पहिल्यांदा या हल्ला प्रकरणातील एक आरोपी जिल्हा बँकेच्या अध्यक्षपदावर बसला आहे. या प्रकरणातील आणखीन एक आरोपी अजूनही फरार आहे. तो नेहमी नितेश राणे यांच्या सोबत असतो. तो म्हणजे गोट्या सावंत. त्यालाही अटक झाली पाहिजे. आणि त्यानंतर या सर्वांना शिक्षा झाली पाहिजे ही माझी मागणी असल्याचे संतोष परब यांनी म्हटले.

from Sindhudurg News | सिंधुदुर्ग बातम्या | Sindhudurg News in Marathi | Sindhudurg Local News - Maharashtra Times https://ift.tt/SfwhJOar2
https://ift.tt/eLq4NzI2F