Konkan News: दापोलीत पोलिसांची धडक कारवाई; गुटख्याचा मोठा साठा जप्त

प्रसाद रानडे, रत्नागिरी: कोकणात रत्नागिरी जिल्हयात अवैध व्यवसाय विरोधात पोलिसांनी जोरदार मोहीम सुरु केली आहे. याचाच भाग म्हणून शहरातही कारवाई करण्यात आली आहे. दापोली शहरात बुरोंडी नाक्याजवळ असलेल्या फॅमिली माळ परिसरातील रामभाई मेहता याच्या दुकानातून अवैध गुटख्यावर () धाड टाकुन कारवाई करण्यात आल्याने खळबळ उडाली आहे. या कारवाईत ११,१६१ रुपयांचा मुद्देमाल जप्त करण्यात आलाय. याप्रकरणी संशयित श्रीराम विठ्ठल मेहता (वय ५८ रा. फॅमीलीमाळ, बुरोंडी नाका ता. दापोली) याला अटक करण्यात आली. न्यायालयाने श्रीराम मेहता यांची बुधवार पर्यंत पोलीस कोठडीत रवानगी केली आहे. चार दिवसांपूर्वी हर्णै येथेही १,९२,००० रुपयांचा साठा जप्त करण्यात आला होता. दापोली तालुक्यात गुटख्याचे साठे मिळून कारवाई सुरु असल्याने अवैध व्यवसाय करणाऱ्यांचे धाबे दणाणले आहेत. दापोली शहरात भरवस्तीत असलेल्या दुकानात हा अवैध विक्रीचा गोरख धंदा गेले कित्येक दिवस सुरु होता. याची माहिती दापोली पोलिसांना मिळाली होती. १२ मार्च २०२२ रोजी सायंकाळी उशिरा फॅमिलीमाळ, बुरोंडी नाका ता. दापोली येथील रामभाई मेहता याच्या दुकानात असलेल्या अवैध गुटख्याच्या मालावर ही कारवाई करण्यात आल्याची माहिती रविवारी पोलिसांनी दिली. हे प्रतिबंधीत अन्नपपदार्थ रामभाई मेहता यांनी कोणाकडून खरेदी केले किंवा कसे याबाबत विचारणा केली असता त्याने कोणतीही ठोस माहिती दिली नाही. यामुळे त्यांच्यावर कारवाई करण्यात आली आहे. मेहता याने त्याचे दुकानाच्या काऊंटर जवळ राज्य शासनाने जनहित व जन आरोग्याच्या दृष्टीकोनातून प्रतिबंधीत केलेल्या अवैध गुटखा बेकायदेशीरपणे विक्री करून साठी केलेल्या स्थितित सापडल्याने ही धडाकेबाज कारवाई करण्यात आली आहे. या कारवाईत व्ही. एम. पड्याळ पोलीस उपनिरीक्षक व सहाय्यक पोलीस फौजदार श्री.गोरे यांनी भाग घेतला. अधिक तपास दापोली पोलीस करत आहेत. या कारवाईत पुढील मुद्देमाल जप्त करण्यात आला आहे. १) ४९५०/- रु विमल पान मसाला केसरयुक्त (मोठा) २५ पॅकेट प्रत्येक पुड्यांवरील किम्मत सुमारे १९८ २)९३५ रु/- विमल पान मसाला केसरयुक्त (मध्यम) ५ पॅकेट प्रत्येकी १८७ रु प्रमाणे ३) ९७३ /-रु. विमल पान मसाला केसस्युक्त (छोटा) १८ पॅकेट प्रत्येकी ५४ रुपये प्रत्येकी ४) २८० /- रुविमल पान मसाला केसरयुक्त १० पॅकेट प्रत्येकी २८ रुपये प्रमाणे प्रत्येकी ५) ६००/-रुविमल पान मसाला केसरयुक्त ५ पॅकेट प्रत्येकी १२० रुपये प्रत्येकी ६)८८० /- रुपये वि. १ तंबाखु ४० पॅकेट प्रत्येकी २२ रुपये किमत प्रत्येकी ७) १४१० /- रुपये वि. १ तंबाखु ४७ पॅकेट प्रत्येकी ३० रुपये ८) ८७० /- रुपये वि. १ तंबाखु हिरये पॅकेट २९ पॅकेट ३० रुपये प्रत्येकी ९) २६४ /- रुवि १ तंबाखु ८ पॅकेट ३३ रुपये किमत प्रत्येकी याप्रमाणे एकुण ११ हजार १६१ रुपयांचा मुद्देमाल जप्त करण्यात आला आहे. दरम्यान रत्नागिरी जिल्हा पोलीस अधीक्षक डॉ. मोहितकुमार गर्ग यांनी अवैध व्यवसायांच्या गोरख धंदयाविरोधात गेले काही महीने जोरदार मोहीम सुरु केली आहे. जिल्हयात यापूर्वीही खेड व मंडणगड येथील अवैध गुटख्याची वाहतूक रोखून कारवाई झाली होती. त्याचवेळी या अवैध गुटख्याचा साठा व विक्री याचे दापोली कनेक्शन प्रत्येक कारवाईत समोर आले होते.या सगळ्या पार्श्वभूमीवर दापोली शहरात करण्यात आलेल्या कारवाईत हा अवैध गुटखा कोणाकडून खरेदी करण्यात आला? तो दापोलीत विक्रीसाठी कोठून आणण्यात आला?या सगळ्याचा अवैध व्यवसायाचा तपास करून याचा मूळ सूत्रधारापर्यंत पोलीसांनी तपासात माहिती घेऊन कारवाई करावी, अशी अपेक्षा सुज्ञ नागरिकांकडून करण्यात येत आहे.

from Ratnagiri News | रत्नागिरी बातमी | Ratnagiri News in Marathi | Ratnagiri Local News - Maharashtra Times https://ift.tt/85bV6ja
https://ift.tt/brL7EG4