two girls die in an accident: भयानक! रस्ता कामगारांच्या मुलांना टेम्पोने चिरडले; दोघींचा मृत्यू; टेम्पोचालक फरार

रत्नागिरी: जिल्हयात सागरी महामार्गावरून जैतापूरकडून देवगडकडे जाणाऱ्या एका आयशर टेम्पोने बाकाळे येथील तीव्र वळणावर तीन ते चार जणांना ठोकर दिली. टेम्पोने ठोकर दिल्याने दोन बालिकांचा अपघाती मृत्यू झाल्याची दुर्देवी घटना मंगळवारी दुपारी दीड वाजताच्या दरम्यान घडली. यामध्ये एका १२ वर्षीय मुलीचा जागीच मृत्यू झाला. पाच वर्षाच्या मुलीला उपचारासाठी नेत असताना तिचे निधन झाले. अन्य दोघांनाही या अपघातात गंभीर दुखापत झाले असल्याचे नाटे पोलिसांकडून सांगण्यात आले आहे. (two daughters of road workers die after being hit by a tempo in ratnagiri) टेंप्मोने ठोकरल्यानंतर काही अंतरावर टेम्पो सोडून चालक पसार झाला. बाकाळे येथे रस्त्याच्या कामावर आलेल्या मजुरांपैकी ही लहान मुले असल्याचे स्थानिकांनी सांगितले. येथील प्रत्यक्षदर्शी व्यक्तींनी तत्काळ सागरी पोलिसांशी संपर्क केल्यानंतर सहाय्यक पोलीस निरीक्षक आबासाहेब पाटील आपल्या सहकाऱ्यांसह घटनास्थळी दाखल झाले. जखमींना प्राथमिक आरोग्य केंद्र जैतापूर येथे हलविण्यात आले. या दरम्यान एका मुलीचा मृत्यू झाला. टेम्पो पोलिसांनी ताब्यात घेतला असून गुन्हा नोंदविण्याची प्रक्रिया सायंकाळी उशिरा पर्यंत सुरू होती. फरार झालेल्या टेम्पोचालकाचा पोलीस शोध घेत आहेत.
from Ratnagiri News | रत्नागिरी बातमी | Ratnagiri News in Marathi | Ratnagiri Local News - Maharashtra Times https://ift.tt/3dqH4GO
https://ift.tt/3lJsXAT