Coronavirus: रत्नागिरीत चिंता वाढली, २४ तासांत १३४ नवे करोना रुग्ण

रत्नागिरी : कोकणात रत्नागिरी जिल्हयातही कोरोनाच्या तिसऱ्या लाटेने आपले रंग दाखवण्यास सुरवात केली आहे. पॉझिटिव्ह रुग्णांचा आकडा वाढत असुन शनिवारी रात्री उशीरा आलेल्या अहवालात रत्नागिरी जिल्ह्यात तब्बल १३४ नव्या बाधितरुग्णांची नोंद झाली आहे. ३३ रूग्ण बरे झाले आहेत. त्यामुळे ही वाढती रुग्णसंख्या चिंता वाढवणारी असुन प्रशासनाने आवश्यक त्या उपाययोजनांसाठी आवश्यक निर्बंध जारी केले आहेत. यामध्ये आरटीपीसीआर ४४ तर अँटीजेन टेस्टमधील ९० पॉझिटिव्ह रुग्णांचा समावेश आहे. जिल्हयात सर्वाधिक चिपळूण येथे ४७ रुग्णांची नोंद झाली आहे. रत्नागिरी ३५,खेड १८,दापोली ९,गुहागर ८, मंडणगड ६, संगमेश्वर ५,राजापूर ५,लांजा १ याप्रमाणे तालुकानिहाय रुग्ण पॉझिटिव्ह अहवाल आहेत. १५४० जणांच्या स्वॅब तपासणीत हा अहवाल आला आहे. जिल्ह्यात सध्या ४३१ जणांवर कोरोनाचे उपचार सुरु आहेत.नव्या १३४ रुग्नांमुळे जिल्ह्यातील आतापर्यंतची एकूण बाधित रुग्णांची संख्या ७९६९२ असून त्यातील ७६७५४ जणांनी कोरोनावर मात केली. रुग्ण बरे होण्याचे प्रमाण ९६.३१%. आहे. २४ तासात एकाही बाधित रुग्णाचा मृत्यू झाला नाही मात्र आतापर्यंत २४९२ जणांचा मृत्यू झाला. त्यामुळे आता या सगळ्या पार्श्वभूमीवर नागरिकांनी काळजी घेणे गरजेचे असून जिल्हा प्रशासनाने दिलेल्या सूचनांचे पालन करणे आवश्यक आहे. राज्यात करोनाचा उद्रेक, ४१ हजारांचा टप्पा ओलांडला, मुंबईत देशातील सर्वाधिक रुग्णवाढ देशातील करोनाचे सर्वाधिक रुग्ण असणाऱ्या महाराष्ट्रातील चिंता दिवसेंदिवस वाढत आहे. राज्यात शनिवारी दिवसभरात ४१,४३४ नव्या रुग्णांची नोंद झाली. यामध्ये १००९ ओमायक्रॉनबाधित रुग्णांचा समावेश आहे. तर १३ जणांचा मृत्यू झाला. त्यामुळे महाराष्ट्रातील सक्रिय करोना रुग्णांचा आकडा १,७३, २३८ वर जाऊन पोहोचला आहे. राज्यात सर्वाधिक रुग्णवाढ ही मुंबईत नोंदवली गेली आहे. शनिवारी दिवसभरात मुंबईत देशातील सर्वाधिक रुग्णवाढ झाली. एकट्या मुंबईत सलग तिसऱ्या दिवशी २० हजारापेक्षा जास्त रुग्ण सापडले आहेत. गेल्या २४ तासांमध्ये मुंबईत २०,३१८ नवे करोना रुग्ण सापडले आहेत. तर पुणे जिल्ह्यात शनिवारी दिवसभरात २४७१ जणांना करोनाची लागण झाली. तर तीन रुग्णांचा मृत्यू झाला. काल दिवसभरात पुण्यात ७११ जणांना रुग्णालयातून डिस्चार्ज देण्यात आला. पुण्यातील सक्रिय रुग्णांचा आकडा आता ११५०० इतका झाला आहे.

from Ratnagiri News | रत्नागिरी बातमी | Ratnagiri News in Marathi | Ratnagiri Local News - Maharashtra Times https://ift.tt/3f780wi
https://ift.tt/3HOFyve