मोफत रेशन | संप करणाऱ्या एसटी कर्मचाऱ्यांना मोफत रेशन मिळणार, भाजपची घोषणा

मुंबई : एसटी महामंडळाचे राज्य सरकारमध्ये विलीनीकरण करण्याच्या मागणीसाठी दोन महिन्यांहून अधिक काळ संपावर असलेल्या एसटी कर्मचाऱ्यांना भाजप तीन महिन्यांचे मोफत रेशन देणार आहे. अशी घोषणा भाजपचे प्रदेशाध्यक्ष चंद्रकांत पाटील यांनी केली आहे.

चंद्रकांत पाटील म्हणाले की, एसटी कर्मचाऱ्यांशी चर्चा करून तोडगा काढण्यात सरकारला अपयश आले आहे. सांगली दौऱ्यावर असताना ते पत्रकारांशी बोलत होते. भाजपतर्फे संपात सहभागी असलेल्या एसटी कामगारांना तीन महिन्यांचे रेशन देण्यात येणार असल्याची घोषणा चंद्रकांत पाटील यांनी केली आहे.

11 हजार कर्मचारी निलंबित

वारंवार कामावर रुजू होण्याचे आवाहन करूनही गैरहजर असलेल्या निलंबित कर्मचाऱ्यांना बडतर्फ केले जात आहे. एसटी महामंडळाने आतापर्यंत 11 हजारांहून अधिक कर्मचाऱ्यांना निलंबित केले असून 550 हून अधिक कर्मचाऱ्यांना बडतर्फ केले आहे. हा संप लवकरात लवकर सोडवावा अशी मागणी होत आहे. लांब पल्ल्याच्या बहुतांश बसेस सुरू झाल्याचा एसटी महामंडळाचा दावा आहे.

The post मोफत रेशन | संप करणाऱ्या एसटी कर्मचाऱ्यांना मोफत रेशन मिळणार, भाजपची घोषणा appeared first on The GNP Marathi Times.

from मुंबई बातमी – Mumbai News – The GNP Marathi Times https://ift.tt/3mW6Ho9
https://ift.tt/3eWbOQA